Om å laga seg eit nick

Nick utanlandsk og kort for Nickname. På norsk er dette eit kortnamn eller kallenamn. I staden for å stå fram med fullt namn og adresse, kan du altså laga deg eit kortnamn. Folk som kjenner deg, kjenner jo nick'et ditt også... For alle dei andre, er du då litt meir anonym.

Nicket ditt kan fortelje noko om deg. Eit nick kan vera kort eller langt, enkelt eller komplisert, sjølvforklarande eller heilt abstrakt. Det kan vera påliteleg eller kanskje ironisk... Men du får altså sjølv lov å velga ditt eige nick, din heldiggris - oink-oink!

Det er lurt å finna seg eit nick som få andre har. Då er nicket ditt ledig når du skal registrera deg som brukar hos Hotmail, MSN Spaces, Blogber, Spymac, Odda.no, Wikipedia, osb. Nokon stadar er det påkrevd med epostadresse eller mobiltelefonnummer som påloggingsnamn. Du kan likevel gjera ting enklare for deg sjølv, om du har eit godt passord som du sjeldan skiftar ut.

Som paranoid mann, er eg oppteken av at folk flest ikkje skal kunne finna ut for mykje, når dei googlar meg. Difor gjer eg veldig få nett-ting under fullt namn. Vidare har eg vald meg eit nick (Hemo) som også er brukt fleire andre stadar. Såleis er det ikkje så lett å finna alt eg har gjort og sagt på nett, sjølv om du googlar til dømes "hemo odda".
Eit av dei beste nick'a eg har sett er "gnagsaar". Smak på det, det har det meste! (prøv å google gnagsaar, så ser du)

Så når du no sit der og lurer på kva du skal gjer, kan eg sei at du kan;
- velga same nick som mange andre
- vera litt unik, kort og lett å huske
- bruka ordbok, ordspel, tall og tull

..berre hugs at ditt nick blir "innarbeidd" fortare enn du trur.. du kjem ikkje vekk frå det, når folk først har teke det i bruk...